204
REGISTRES DU BUREAU
[i563]
et là, lesd, s" Prevost des Marchans et Eschevins de lad. Ville, attendant led. corps pour l'y recepvoir f1'. Environ trois heures de rellevée, commença led. convoy, et le corps entré en lad. Ville par lad. porte Sainct Jacques fut conduict à la grant esglise Nostre Dame en l'ordre qui ensuyt :
L'ordre du convoy dud. feu sr'2'.
Premierement, marchoient les xxii Crieurs jurez de lad. Ville, deux à deux, vestuz en dueil de robbes noires armoyées par devant des escussons et blasons des armes de lad. Ville, et par derriere de celles dud. feu seigneur de Guise, sonnetant leurs clochettes.
Après eulx estoict porté ung grand nombre de torches ardantes qu'aucuns bourgeois et marchans de lad. Ville y avoyent voluntairement envoyées, et por­tez par les plus apparans de leurs familles, tous bien et honnestement habillées en dueil, chascune desd, torches armoyées des armoyries de ceulx qui les y avoient envoyées.
Après lesd, torches marchoient deux à deux les freres des Bons-Hommes '3), les quatre ordres des Men­dians, Cordelliers, Augustins, Carmes, Jacobins, et la plus grande partye des esglises parrochialles de lad. Ville, portant chascune sa croix eslevée.
Après, venoict une quantité de sergens de bandes des cappitaines, les hallebardes basses en la main, en l'autre le baston noir.
Puis suyvoient cinquante cappitaines des Dixaines de Paris et leurs lieutenans après, vestuz en dueil, Ie baston noir en la main.
Suyvoient après huict cens harquebouziers, bour-
geois de lad. Ville, cinq à cinq, tous le morion en teste et maillez, portans la harquebouze soubz l'esselle, la bouche du canon bas pendant vers la terre.
Puis marchoient cinquante cappitaines desd. Dixaines avecq leurs lieutenans, trois à trois, vestuz en dueil, le baston noir en la main, tous à pied.
Suyvoient en mesme ordre huict cens picquiers, bourgeoys de lad. Ville, cinq à cinq, tous ayans corsellet et bourguinotte, tenans leurs picques par Ie fer en les traînant après eulx.
Suyvoient après quatre rancs, cinq à cinq, de ca­poraux et sergens de bande à pied, chascun avecq la hallebarde basse, suyvis de quelques tabouriris . portez sur le dos et couvertz de draps noir.
Et les suyvoient à pied, trois à trois, six vingtz six enseignes desd, cappitaines de lad. Ville, armez de corcelletz bien grandz et dorez, portans leurs en-signes ployées sur l'espaulle, le fer contre bas, et le reste des autres ensignes estoient à la garde des portes de lad. Ville.
Suyvoient en ranc, cinq à cinq, autre huict cens picquiers, armez de corselletz et bourguinottes, trai-nans leurs picques comme dessus.
Ceulx là estoient suyviz de cinquante cappitaines et leurs lieutenans, vestuz en dueil, le baston noir et à pied.
Alloient après encores huict cens harquebouziers, cinq à cinq, le morion en teste, maillez, et portoient leurs harquebouzes comme les premiers.
Suyvoient après six rancs de sergens de bande avecq leurs hallebardes, et après eulx le reste des cappitaines desd. Dixaines.
Après, marchoient en ranc,deux à deux, cent des
O Le récit officiel des obsèques du duc de Guise, inséré dans le volume des Délibérations, ne fait que mentionner très sommaire­ment l'arrivée du cortège municipal aux Jacobins; le Registre Z 6826, fol. 65 r°, nous fournit à ce sujet des détails intéressants que nous croyons devoir reproduire :
"Et led. jour de vendredy, lesd, cappitaines, lieutenans, enseignes avec dix piquiers, ayant tous corseletz, et dix hacquebutiers morionnez, ct autres mandez se trouverent à l'heure à eulx assignée derriere les Chartreux, et mess" les Conseillers, Quarteniers et bourgeois, vestuz de leurs bons habitz noirs, se trouverent en l'Hostel de lad. Ville et partirent tous, à deux heures de relevée, de l'Hostel de lad. Ville en l'ordre qui ensuit :
"Premierement, marchoient les Prevost des Marchans, Eschevins, les dix sergens devant eulx, vestuz de leurs robbes my parties et navire d'argent sur l'espaulle; mesd. s" les Prevost des Marchans, Eschevins, Conseillers, Quarteniers et quatre notables bourgeois de chascun quartier estoient tous vestuz de leurs bons habitz noirs et allerent droit aux Jacopins, où ilz entrerent dedans l'eglise, en actandant l'entrée et arrivée dud. corps.
"Mond. sr le Prevost des Marchans sortit dud. lieu et alla en my la rue devant lad. porte des Jacopins, acompaigné des sergens, pour faire dresser et mettre en ordre les cappitaines et soldars, lesquelz marchoient, venant par la porte Sainct Jacques, en l'ordre qui ensuit.-
(2) Cette cérémonie est décrite à peu près dans les mêmes termes par le greffier du Parlement. (Archives nationales, Parlement de Paris, X'' i6o4, fol. 4y5 r°.) Voir aussi YOrdre des ceremonies et pompes funebres tenues en la ville de Paris pour la reception du corps de François de Lorraine, duc dc Guyse, imprimé chez Guillaume de Niverd et reproduit par Cimber et Danjou dans leurs Archives curieuses de l'histoire de France, t. V, p. 207.
(3> Les miuimes du couvent de Nigeon, vulgairement nommés les Bons Hommes.